ຕົວຢ່າງຂ່າວທົ່ວໄປ3

ໃນຄັ້ງວັນທີ 13 ມີຖູນາ ທີ່ຜ່ານມາ ທ່ານ ຫງວຽນ ວັນ ເຍືອງ ປະທານຄະນະກໍາມະການປົກຄອງປະຊາຊົນແຂວງດົ່ງຖາບ ສ.ສ ຫວຽດນາມ ພ້ອມຄະນະ ໄດ້ເດີນທາງມາຢ້ຽມຢາມ,

ພົບປະກັບຄະນະຜູ້ແທນແຂວງສາລະວັນ ເຊິ່ງໃຫ້ກຽດຕ້ອນຮັບໂດຍ ທ່ານ ສີສຸວັນ ວົງຈອມສີ ກໍາມະການສູນກາງພັກ, ເລຂາພັກແຂວງ – ເຈົ້າແຂວງໆສາລະວັນ, ພ້ອມດ້ວຍຄະນະພັກ, ຄະນະພັກປົກຄອງແຂວງ.

ໃນພິທີການພົບປະທັງສອງຝ່າຍ ກໍໄດ້ຜັດປ່ຽນກັນລາຍງານສະພາບການແຜນການພັດທະນາເສດຖະກິດ – ສັງຄົມ ຂອງແຂວງຕົນໂດຍຫຍໍ້ ແລະ ກວດກາຄືນບົດບັນທືດຊ່ວຍຈໍາ ພ້ອມທັງໄດ້ມີການແລກປ່ຽນຄໍາຄິດ, ຄໍາເຫັນການພົວພັນຮ່ວມມືຮອບດ້ານ, ໂດຍສະເພາະແມ່ນທາງດ້ານການຄ້າ ແລະ ກະສີກໍາປູກຝັງຜະລິດເປັນສິນຄ້າ ເພື່ອສ້າງເງື່ອນໄຂຮ່ວມມືຊ່ວຍເຫຼືອຊື່ງກັນ ແລະ ກັນ ໃນຕໍ່ໜ້າ ແລະ ໄດ້ລົງນາມເຊັນບົດບັນທືກຊ່ວຍຈໍາລະຫວ່າງສອງແຂວງຕື່ມອີກ.

ໃນຕອນຄໍ່າຂອງວັນດຽວກັນ ທ່ານ ເລຂາພັກແຂວງ – ເຈົ້າແຂວງ ກໍໄດ້ຈັດງານລ້ຽງຕ້ອນຮັບຄະນະຜູ້ແທນແຂວງດົ່ງຖາບ ທີ່ພັດຕະຄານສິນສະໄໝຢ່າງສົມກຽດ

ອອກ​ຈາກ REPLY ເປັນ

Please enter your comment!
Please enter your name here