ເມືອງສະໝ້ວຍ ແຂວງສາລະວັນ ປະກາດເປັນເມືອງຈົບຊັ້ນມັດທະຍົມສຶກສາຕອນຕົ້ນບຳລຸງ

ໃນ​ວັນ​ທີ 26 ມິຖຸນາ 2018 ທີ່​ຜ່ານ​ມາ​ນີ້, ທີ່​ສະ​ໂມ​ສອນ​ໃຫ່ຍຂອງ​ເມືອງ​ສະ​ໝ້ວຍ ​ແຂວງ​ສາລະ​ວັນ ​ໄດ້​ຈັດ​ພິທີ​ປະກາດ​ເປັນ​ເມືອງ​ຈົບ​ຊັ້ນມັດທະຍົມ​ສຶກສາ​ຕອນ​ຕົ້ນບຳລຸ​ງຂຶ້ນ,

​ໂດຍ​ພາຍ​ໃຕ້​ການ​ເປັນ​ທານຮ່ວມ ຂອງ ຮສ. ປອ ຄຳຜາຍ ສີສະຫວັນ ຮອງລັດຖະມົນຕີກະຊວງສຶກສາທິການ ແລະ ກິລາ, ທ່ານ ພູທົງ ຄຳມະນີວົງ ຄະນະປະຈຳພັກແຂວງ ຮອງເຈົ້າແຂວງ ຜູ້ຊີ້ນຳວຽກງານຂົງເຂດວັດທະນະທຳ – ສັງຄົມ ແລະ ທ່ານ ຄໍາຕາ ໂຮ່ຊົງເລືອງ ກໍາມະການພັກແຂວງ ເລຂາພັກເມືອງ – ເຈົ້າເມືອງໆສະໝ້ວຍ. ໃນພິທີດັ່ງກ່າວມີຜູ້ເຂົ້າຮ່ວມຈາກການນໍາຂອງແຂວງ – ເມືອງ, ບັນດາທ່ານ ຫົວໜ້າກົມ, ຫົວໜ້າ – ຮອງພະແນກການ, ຫ້ອງການອ້ອມຂ້າງແຂວງ – ເມືອງ, ຄູອາຈານ, ນັກຮຽນນັກສຶກສາ ແລະ ພໍ່ແມ່ປະຊາຊົນເຂົ້າຮ່ວມ ທັງໝົດ 425 ຄົນ.

ພິທີ​ໄດ້​ເປີດ​ຂຶ້ນ​ຢ່າງ​ເປັນ​ທາງ​ການ​ໃນ​ເວລາ 8:30 ໂມງ, ໄດ້ຜ່ານຂໍ້ຕົກລົງ, ມອບໃບຢັ້ງຢືນ ຮັບຮອງເອົາເມືອງສະໝ້ວຍ ເປັນເມືອງຈົບຊັ້ນມັດທະຍົມຕອນຕົ້ນບໍາລຸງ.  ນອກນັ້ນ,  ທ່ານ ຮອງເຈົ້າແຂວງ ກໍ່ໄດ້ໃຫ້ກຽດມອບໃບຍ້ອງຍໍ ບັນດາ ຄູ – ອາຈານ ຈໍານວນ 100 ທ່ານ, ຍິງ 20 ທ່ານ ທີ່ມີຜົນງານດີເດັ່ນໃນການປະກອບສ່ວນເຮັດໜ້າທີ່ຈັດຕັ້ງການຮຽນ – ການສອນຍົກລະດັບການສຶກສາຊັ້ນມັດທະຍົມສຶກສາຕອນຕົ້ນບໍາລຸງໃຫ້ແກ່ປະຊາຊົນໃນ 04 ກຸ່ມ 51 ບ້ານ ໃນທົ່ວເມືອງ  ສຳເລັດການສຶກສາຈຳນວນ 1,090 ຄົນ, ຍິງ 406 ຄົນ ແລະ ໃນພິທີຍັງໄດ້ຮັບຟັງການໂອ້ລົມຊີ້ທິດເຍືອງທາງຂອງທ່ານ ຮອງລັດຖະມົນຕີ ກ່ຽວກັບແຜນພັດທະນາການສຶກສາ ແລະ ກິລາໃນຕໍ່ໜ້າ, ​ຕັດ​ແຖບ​ຜ້າ, ປ່ອຍ​ປູ້​ມ​ເປົ້າ ​ແລະ ລັ່ນຄ້ອງ 9 ບາດ ຮ່ວມກັບທ່ານ ຮອງເຈົ້າເຈົ້າແຂວງ, ທ່ານ ເຈົ້າເມືອງ ໂດຍຊ່ອງໜ້າບັນດາແຂກເຂົ້າຮ່ວມ ເພື່ອເອົາໂຊກ, ເອົາໄຊ ສະແດງໃຫ້ເຫັນເຖິງຜົນສຳເລັດອັນຫຍິ່ງໃຫຍ່ ແລະ ມີກຽດ.

ການ​ປະກາດ​ເມືອງ​ສະ​ໝ້ວຍ​ເປັນ​ເມືອງ​ຈົບ​ມັດທະຍົມ​ສຶກສາຕອນຕົ້ນ ​ແມ່ນ​ເມືອງ​ທີ 07 ຂອງ​ແຂວງ, ​ເຊິ່ງ​ໄດ້​ກາຍ​ເປັນ​ຈຸດ​ຊີ້ວັດໃຫ້ເຫັນເຖິງຜົນສຳເລັດການຊີ້ນຳໆພາຂອງອຳນາດການປົກຄອງແຕ່ລະຂັ້ນ, ຄວາມຮັບຜິດຊອບຂອງທຸກພາກສ່ວນຕໍ່ວຽກງານກາ​ນພັດທະນາ​ຊັບພະຍາ​ມະນຸດ ​ເພື່ອ​ລົບ​ລ້າງ​ຄວາມ​ບໍ່​ຮູ້​ໜັງສື​ໃຫ້​ໝົດ​ໄປ​ເທື່ອ​ລະ​ກ້າວ.

ອອກ​ຈາກ REPLY ເປັນ

Please enter your comment!
Please enter your name here